மாலை நேர டிபன் முட்டை மசாலா இடியாப்பம்

மாலையில் பள்ளியில் இருந்து வரும் குழந்தைகளுக்கு இந்த முட்டை மசாலா இடியாப்பம் செய்து கொடுத்தால் விரும்பி சாப்பிடுவார்கள். இதன் செய்முறையை பார்க்கலாம்.

மாலை நேர டிபன் முட்டை மசாலா இடியாப்பம்
தேவையான பொருட்கள் :

இடியாப்பம் (உதிர்த்தது) – 2 கப்,
முட்டை – 3,
சின்ன வெங்காயம் – 10,
நாட்டு தக்காளி – 3,
பூண்டு – 6 பல்,
மிளகாய் தூள் – ஒரு டீஸ்பூன்,
உப்பு – அரை டீஸ்பூன்,
எண்ணெய் – தேவையான அளவு.

செய்முறை :

* ஒரு பாத்திரத்தில் சிறிது உப்பு போட்டு, அதோடு முட்டையை உடைத்து ஊற்றி நன்கு அடித்து வைத்துக்கொள்ளுங்கள்.

* தோசை கல்லை அடுப்பில் வைத்து சூடானதும் முட்டை கலவையை கனமான அடையாக ஊற்றி, வெந்ததும் திருப்பி போட்டு வேக வைத்து எடுக்கவும்.

* முட்டையை சின்னச் சின்ன துண்டுகளாக நறுக்கி வைத்துக்கொள்ளுங்கள்.

* தக்காளி, வெங்காயம், பூண்டு, மிளகாய்தூள் (விரும்பினால் கால் டீஸ்பூன் கரம் மசாலாதூள் சேர்த்து), எல்லாவற்றையும் மிக்ஸியில் போட்டு நைஸாக அரைத்து கொள்ளவும்.

* கடாயை அடுப்பில் வைத்து எண்ணெயை ஊற்றி சூடானதும், அரைத்த மசாலாவை அதில் போட்டு நன்கு வதக்குங்கள்.

* ஓரங்களில் நன்கு எண்ணெய் கசிந்து வரும்போது, உதிர்த்த இடியாப்பத்தையும், நறுக்கிய முட்டை துண்டுகளையும் போட்டு, சுருளச் சுருளக் கிளறி இறக்குங்கள்.

* சூப்பரான முட்டை மசாலா இடியாப்பம் ரெடி.

Leave a Reply

Your email address will not be published. Required fields are marked *