ஓட்ஸ் வெஜிடபிள் சாண்ட்விச்

தேவையான பொருட்கள் :

கோதுமை பிரட் துண்டுகள் – 6
ஓட்ஸ் – அரை கப்,
புதினா, கொத்தமல்லி – ஒரு கட்டு,
பச்சைமிளகாய் – 3,
தக்காளி – 2,
உருளைக்கிழங்கு – 2
பெரிய வெங்காயம் – 3,
பச்சை பட்டாணி – கால் கப்,
கேரட் – 1,
மிளகாய்த்தூள் – அரை டீஸ்பூன்,
கரம் மசாலாத்தூள் – அரை டீஸ்பூன்,
உப்பு – தேவையான அளவு.


செய்முறை :

உருளைக்கிழங்கை வேக வைத்து தோல் உரித்து மசித்து கொள்ளவும்.

கேரட்டை துருவிக்கொள்ளவும்.

பட்டாணியை வேக வைத்து கொள்ளவும்.

வெங்காயம், தக்காளி, ப.மிளகாய், கொத்தமல்லி, புதினாவை பொடியாக நறுக்கிக் கொள்ளவும்.

ஓட்ஸை பத்து நிமிடம் கொதிநீரில் ஊற வைத்து வடித்துக் கொள்ளவும்.

கடாயில் எண்ணெய் விட்டு சூடாதும் பொடியாக நறுக்கிய பச்சை மிளகாய், வெங்காயம் சேர்த்து வதக்கவும்.

வெங்காயம் நன்றாக வதங்கியதும் தக்காளி, கேரட் சேர்த்து வதக்கவும்.

கேரட் வெந்ததும் அதனுடன் மசித்த உருளைக்கிழங்கு, வேக வைத்த பச்சைப் பட்டாணி கலந்து கரம் மசாலாத்தூள், மிளகாய்த்தூள், ஊற வைத்த ஓட்ஸ், உப்பு கலந்து சுருள வதக்கவும்.

கடைசியாக கொத்தமல்லி, புதினா கலந்து இறக்கவும்.

கோதுமை பிரட் துண்டுகளை டோஸ்ட் செய்து கொள்ளவும்.

டோஸ்டு செய்த பிரெட் ஸ்லைஸ் நடுவே இந்தக் கலவையை வைத்துப் பரிமாறவும்.

சூப்பரான ஓட்ஸ் வெஜிடபிள் சாண்ட்விச் ரெடி.

இதற்கு தொட்டுக் கொள்ள தக்காளி சாஸ் நன்றாக இருக்கும்.

Leave a Reply

Your email address will not be published. Required fields are marked *