வெள்ளரிக்காய் தயிர் பச்சடி எப்படி செய்வது

 

 


தேவையான பொருட்கள்

வெள்ளரிக்காய் – 150 கிராம்
உப்பு – தேவையான அளவு
கீறிய பச்சை மிளகாய் – 2
தயிர் – 100 மில்லி
அரைக்க:
தேங்காய்ப்பால் – கால் மூடி
சீரகம் – கால் டீஸ்பூன்
சின்ன வெங்காயம் – 3 பொடியாக நறுக்கியது
கறிவேப்பிலை – 2


தாளிக்க:

கடுகு – கால் டீஸ்பூன்
எண்ணெய் – அரை டீஸ்பூன்


செய்முறை:

வெள்ளரிக்காயின் தோல் நீக்கி மீடியமான சைஸில் துண்டுகளாக நறுக்கி வைக்கவும். ஒரு கடாயில் வெள்ளரிக்காய், உப்பு, பச்சை மிளகாய், சிறிதளவு தண்ணீர் ஊற்றி மிதமான தீயில் வேக விடவும். வெந்து தண்ணீர் வற்றும் சமயத்தில் அரைக்க வேண்டியதைக் கொரகொரப்பாக அரைத்து வெந்த கலவையில் சேர்த்துக் கலக்கவும். தீயைக் குறைத்து தயிரை நன்கு அடித்து கலக்கி வெந்து கொண்டிருக்கும் கலவையில் ஊற்றி ஒரு கலக்கு கலக்கி அடுப்பை அணைக்கவும். தாளிக்க வேண்டியதைத் தாளித்து கலவையில் ஊற்றி கிளறிப் பரிமாறவும்.

Leave a Reply

Your email address will not be published. Required fields are marked *