சேமியா வெண் பொங்கல்

அனைவருக்கும் வெண் பொங்கல் மிகவும் பிடிக்கும். இன்று சேமியாவை வைத்து வெண் பொங்கல் செய்வது எப்படி என்று பார்க்கலாம்.

சூப்பரான சேமியா வெண் பொங்கல்
தேவையான பொருட்கள் :

சேமியா – 2 கப்,

பாசிப்பருப்பு – அரை கப்,
பெருங்காயம் – அரை டீஸ்பூன்,
உப்பு – ருசிக்கு,
கறிவேப்பிலை – சிறிது,
நெய் – 2 டேபிள்ஸ்பூன்.

தாளிக்க :

மிளகு – 1 டீஸ்பூன்,
சீரகம் – 1 டீஸ்பூன்,
இஞ்சி – 1 டேபிள்ஸ்பூன்,
முந்திரி (நறுக்கியது) – 2 டேபிள்ஸ்பூன்,
எண்ணெய் – 2 டேபிள்ஸ்பூன்,
நெய் – 1 டேபிள்ஸ்பூன்.

செய்முறை :

1 டீஸ்பூன் நெய்யில் சேமியாவை சிறிது வறுத்து கொள்ளவும்.

பருப்பை தண்ணீர் சேர்த்து குழைய வேகவையுங்கள்.

வெந்தவுடன் அதில் 3 கப் தண்ணீர் சேர்த்து கொதிக்கும்போது வறுத்த சேமியா, உப்பு, 1 டீஸ்பூன் நெய் ஆகியவை சேர்த்து 2 நிமிடம் வேகவிட்டு, தீயை குறைத்து சேர்த்து நன்கு வேக விடுங்கள்.

அதில் பெருங்காயம், கறிவேப்பிலை சேர்த்து கிளறி இறக்குங்கள்.

எண்ணெய், நெய்யைக் காயவைத்து தாளிக்கும் பொருட்களை சேர்த்து, ஒரு நிமிடம் வதக்கி பொங்கலில் சேர்த்து கலந்து சூடாக பரிமாறுங்கள்.

சூப்பரான சேமியா வெண் பொங்கல் ரெடி.

Leave a Reply

Your email address will not be published. Required fields are marked *