சூப்பரான சேமியா வெஜிடபிள் கிச்சடி

காலை, மாலை நேரத்தில் சாப்பிட சேமியா வெஜிடபிள் கிச்சடி சூப்பராக இருக்கும். இன்று இந்த கிச்சடி செய்வது எப்படி என்று பார்க்கலாம்.

சூப்பரான டிபன் சேமியா வெஜிடபிள் கிச்சடி
தேவையான பொருட்கள் :

சேமியா – 1 கப்,
பொடியாக நறுக்கிய காய்கறிக் கலவை (கேரட், பீன்ஸ், பட்டாணி) – 1 கப்,
பெரிய வெங்காயம் – 2,
தக்காளி – 2,
பச்சை மிளகாய் – 5,
மஞ்சள்தூள் – கால் டீஸ்பூன்,
எண்ணெய் – 1 டீஸ்பூன்,
கொத்தமல்லி – சிறிதளவு,
நெய் – 2 டீஸ்பூன்,
உப்பு – ருசிக்கு.

தாளிக்க:

கடுகு – 1 டீஸ்பூன்,
உளுத்தம்பருப்பு – 2 டீஸ்பூன்,
கடலைப்பருப்பு – 2 டீஸ்பூன்,
கறிவேப்பிலை – சிறிது.

செய்முறை:

சேமியாவை 1 டீஸ்பூன் நெய்யில் வறுத்து கொள்ளவும்.

காய்கறிகள், வெங்காயம், தக்காளி, கொத்தமல்லி, ப.மிளகாய பொடியாக நறுக்கி கொள்ளவும்.

மீதமுள்ள நெய், எண்ணெயை ஊற்றி சூடானதும் தாளிக்க கொடுக்கப்பட்டுள்ள பொருட்களை போட்டு தாளித்த பின்னர் பொடியாக நறுக்கிய வெங்காயம், கீறிய மிளகாய் சேர்த்து 2 நிமிடம் வதக்குங்கள்.

வெங்காயம் நன்றாக வதங்கியதும் காய்கறிகள், தக்காளி, மஞ்சள்தூள், உப்பு சேர்த்து காய்கறி வேகும் வரை வதக்குங்கள்.

காய்கறிகள் சற்று வதங்கியதும் 3 கப் தண்ணீர் சேர்த்து, கொதித்ததும் சேமியாவை சேர்த்து, பெரிய தீயில் 2 நிமிடம் வைத்து தீயைக் குறைத்து மூடி போட்டு 5 நிமிடம் வேக விட்டு வெந்ததும் கொத்தமல்லி தழை தூவி இறக்கி பரிமாறவும்.

சூப்பரான சேமியா வெஜிடபிள் கிச்சடி ரெடி.

Leave a Reply

Your email address will not be published. Required fields are marked *